Elizbarri ermita bezala ere ezaguna

Iturrizaren arabera 1714koa da baseliza hori, baina bere barrualdean plaka bat dago, non aipatzen den 1612an egin zela On Domingo Ercillakoari eta Lucía Zabalakoa andereari esker. 1957an berreraiki zuten Vicinay familiari esker, eta orain dela gutxi berritu zen. Eleizabarri baselizak oinplano angeluzuzena dauka, ageriko harlangaitzezko hormak eta altuera erdia luzituta, harlanduzko izkinakoekin eta hiru hegaleko estalkiarekin. Fatxadan 6 leiho ditu, batzuk leihoburudun leiho handiak eta besteak gezileiho txikiak. Barruan zurezko korua eta Erremedioen Andre Mariaren irudia nabarmentzen dira. Lehen XVII. mendeko irudi bat zegoen, non Erremedioen Andre Maria agertzen zen garai hartako tankeran jantzita. Antzina, baseliza honetara urtean zenbait aldiz etortzen zen arrazoi ezberdinengatik: Gerra aurrean, irailaren 8an, Andre Maria birjinaren jaiotza egunean, herriko jendea baseliza honetara abiatzen zen letañetan, eta meza ondoren erromeria ospatzen zen. Erdi-hurrenak hona etorri ohi ziren Erremedioen Andre Mariari lagunt​za eskatzera, eta horren truke, olioa eskaintzen zioten. Serorak egon omen ziren aspaldian. Gaur egun, oraindik, irailaren 8an meza egoten da.